Search
WAP/PAD

Sanghi qap 首页 >> >法律

Mangshi ma“Myitnoq mu eq myitnoq byu”ri bat zik lo nyi be

芒市扫黑除恶专项斗争来了

作者:赵芹芳
来源:德宏团结报 发布时间:2019-04-18 09:38:13

Hairi gi myitnoq mu ga le?ka bang ri gi myitnoq byu zhum ga le?

Akui Mangshi mingwa singrung mai nang ri sansan pekoq jvo ra ngvut le.

Nambvat sanghi kat: Pongshingra ngonding qo、upkang muzui qo eq mingdan dvirva muzui qo xibve ri zang kilaq mu ri gi myit noq mu ga le.

Danggve su nang yvumsing abun ma myitnoq byu bve zhun zang dut byuq, myitnoq mu zang zui, myitnoq pung zang wang ngvut gvi- lvang nang ri gi myitnoq byu zhum yvang son byvam le ga. Hauzhang nang gi suya mai bat zik ra myitnoq byu zhum gu ma bilom ra ngvut le ga.

Nambvat 2kat: Wakau ozvang ma up nyi bang, wa zau ming zau qin tai kun angvut azhoq gvut wun bang, wa gom ming gom bang hi mai wang zat yu bang, wa gom ming gom bang e ze jvuq zo yu bang ri ri myit noq byu zhum son le.

Danggve su nang loq goq zik ngun haq byi lui angvut mu gi kat jvuq jvop lui zau qin muzui, wa kau ma mingbyu wui ri rvoi jvop、jvuq zo, wa gom bang ze ri kat zik zo, dvirva qaq nve muzui lui mingbyu wui gewang lu zo gvut zhang gi nang ri myit noq byu ngvu son byvam le. Hau zhang nang ri suya mai bat zik ra myitnoq byu zhum gu ma bilom ra ngvut le.

Nambvat 3kat: Yvumsing yvum byu wui angvut mu gi yvumsing hubyu myo lui wa kau ma ga hu ga myvu ri kat rvoi zo jvuq zo bang ri ri myitnoq byu zhum son byvam le ga.

Danggve su yvumsing yvum byu wui angvut mu gi yvumsing hu byu myo e gewang chung lui wa kau ma up zo nyi, byu shau e yvum bang bve ri kat jvuq zo、kat lu zo, byushau e hu myvu bang bve ri angvut azhoq kat bat, subve ngun ze kat lvoq ten lvoqsum byi, wa kau ma yvumsing yvum ma tung dvirva mingdan dvirva toq gvo dong gvut lving wun, mingdan dvirva qaq nve mu zui gvut bang ri gi myit noq byuzhum son byvam le. Nang atoq ma dai dvo mu ma bilom zhang nang gi suya mai bat zik ra myit noq byu zhum gu ma ri bilom ra ngvut le.

Nambvat 4kat: Suya muzui bang mingdan dvirva chang lui mau myi wui yu、boi yu、yvum pyoq mu zui nyi、bvun wang mu zui nyi u ri byu zhum shui lui e kat zheq pyeq wun, e kat lvom dang wun, angvut azhoq mu e kat gvut wun bang ri ri myit noq byu ngvu son byvam le.

Danggve suya muzui bang mingdan dvirva chang lui mau myi wui yu、boi yu、yvum pyoq muzui nyi、bvun wang mu zui nyi u ri, nang gi yvum sing sum nvo ngam mu subve dang jo lui byu zhum shui mu e kat zheq pyeq wun,e kat lvom dang wun, angvut azhoq mu e kat gvut wun, angvut azhoq laigva e kat gva wun,suya mu zui bang bve ri e katjvuq wun gvut zhang gi nang ri myit noq byu son yvam le. nang atoq mi dai dvomu mi bilom zhang nang gi suya mai bat zik ra myit noq byu zhum gu ma ri bilom ra ngvut le.

Nambvat 5kat: Yvumsai mu, modo qo sai mu,kong sut ze bvau yu mu, myung bang ri tuq girum mu xibve ma mingdan dvirva qaq nve mu kat zui bang eq mingdan ngun ze sut ze haq zau zo byvam bang bve ri ri myit noq byu zhum ngvu son byvam le.

Dangve su nang gi miyu le mingbyu layuq ngvut le, lvang gi nang buinum zau gvut le, nung moq yvum byu、nung moq hu bang myo le ga lui wa kau mingbyu wui yotung yo goq kat jvuq yu, kat mvau yu, mingdan dvirva ma ri achang e sikyo ngonvong kat du yu, suya dong byu laigva ri awo yu gu sik kat tuq yu gvut zhang nang ri ri myitnoq byu ngvu son byvam le, hau zhang nang gi suya mai bat zik ra myit noqbyu zhum gu ma ri bilom ra ngvut le.

Nambvat 6kat: Piga gaizhang、modo rung、lam wu gvun zhang bve ma subve ri agvam gu ze kat ung byi ze kat wui yu angvut mu gi piga gvut bang bve ri dam alom nau zhang ngun toq ra dut le ga ngun kat jvuq qui yu gvut bang ri ri myit noq byu zhum ngvu son byvam le.

Danggve su piga gvut bang、zang cun ung bang、seng pong bang bve ri e kat jvuq e kat bat, dam alom nau zhang ngun rau byi gveq ngvu ngun e kat  jvuq qui yu bang bve ri gi myitnoq byu zhum ngvu son byvam le, nang hai angvut su abun ma isu pung ma lo bi zang wang gvi lvang nang ri ri myitnoq byu ngvu son byvam le, nang atoq ma dai dvo mu ma zi bilom be mai gi nang ri suya mai bat zik ra myit noq byu zhum gu ma bilom ra ngvut le ga.

Nambvat 7kat: Pyenpyu pyennoq mui ze kau lang kau ung mu, myi we zo wui ri jvuq lui gung ung nvang mu,ngun pai dep zo mu xibve zi bilom be mai gi nang ri suya mai myitnoq byuzhum ngvu son  byvam le, danggve su nang abun ma atoq ma dai bum mu lo bi zang zui ngvut gvilvang nang ri ri myitnoq byu ngvu son byvam le, xibve mu za bi zang zui be mai gi suya mai bat zik ra myit noq byu zhum gu ma ri bilom ra ngvut le.

Nambvat 8kat: Dvirva ma qaq nve lui subve ri ngun kat zhvi byi、mingdan mai gve dvo ganzvang mai midu lai shoq ngun nve qui lui subve ri ngun zhvi byi、zhvin e but yu kun zhvin ra bang ri e jvuq e bat e rvoi gvut bang ri ri suya mai myitnoq byu zhum ngvu son byvam le. Danggve su nang abun ma atoq ma dai bum mu lo bi zang zui ngvut gvilvang nang ri ri myitnoq byu ngvu son byvam le, xibve mu zi bi zang zui be mai gi suya mai bat zik ra myitnoq byu zhum gu ma ri bilom ra ngvut le.

Nambvat 9kat: Mingbyu wui mibyoq mu toq kun mingdan dvirva achang e kat byvin mvau wun bang、chirung bve ka angvut azhoq gvut e kat giru lving wun, nosu yvum byu wui eq haq coq lui chisira bve ri e kat jvuq zo lving wun, chirung ma bang bve ri angvut azhoq e kat  chupzo lving wun gvut bang bve ri ri suya mai myitnoq byu zhum ngvu son byvam le. Danggve su nang abun ma atoq ma dai bum mu lo bi zang zui ngvut gvilvang nang ri ri myitnoq byu ngvu son byvam le, xibve mu zi bizang zui be mai gi suya mai batzik ra myitnoq byu zhum gu mi ri bilom ra ngvut le.

Nambvat 10kat: Datbyvung wang bve ka mvau byoq dang kat dai wun, mingbyu wui bve ri jo juq nvang ra dang kat dai myvin wun, suya mingdan ri dvupuq dang kat dai wun, mingdan suwun ri rvoi myving dang kat dai wun, minggvan ten be ga dang kat dai wun bang ri ri suya mai myitnoq byu zhum ngvu son byvam le. Dang gve su nang abun ma atoq ma dai bum mu lo bizang zui ngvut gvilvang nang ri ri myitnoq byu ngvu son byvam le, xibve mu zi bilom be mai gi suya mai bat zik ra myit noq byu zhum ma ri bilom ra ngvut le ga.

Nambvat 11kat: Nganvung gi mau yam ngvut le, ga mingdan mai wang bum lo e myit noq byu zhum ri dat bo le. Danggve su nang ga ming dan mai wang lo myit noq pung ma bi zang wang, nganvung   mingdan byu ri ga mingdan shut kau lang ung zo, nganvung mingdan byu ri ga mingdan shut ngun pai lo shui bat, mingdan dvirva qaq nve lui ze kau lang ung,nganvung mingdan byu ri ga mingdan shut mvau toq lo mu lo dvui dvo lui yvangmoq yvum byu wui ri dum kat jvuq zo chup zo gvut wun bang ri ri myitnoq byu zhum ngvu son byvam le. Danggve su nang abun ma atoq ma dai bum mu lo bizang zui ngvut gvilvang nang ri ri myitnoq byu ngvu son byvam le, xibve mu zi bizang zui bang gi suya mai bat zik ra myitnoq byu zhum ma ri bilom ra ngvut le ga.

Nambvat 12kat:Myitnoq mu eq myitnoq byu zhum bve ri haq girum tuq nyi e suya muzui bang bve ri ri niknik mai bvau toq yu lui loq bvat tan tan mai yvang bat zik wang lo ra ngvut le.

Atoq ma dai bum e 12kat xigu ma nang miyu ma abun e mu ri zhaq myo ri kai, miyu ma zang lom zo wu ri zhaq bo bum ri kai. Akui nganvung mingdan zhe ri zhe gvo kik lo, ngonding lo be, hau mu nga- nvung banshoq bang qik shi noq wo zui toq lo ong shi ri chom migum ge shang, banshoq bang myit hui loq coq lui myit oq mu eq  myit noq byuzhum ri chom bat zik chom dvu puq byvam shang.

Ao ma gi mingbyu wui myitnoq mu eq myitnoq byu zhum tung hui zhang Mangshi mingwa sing rung ma lawan wan shit jvo ra zhvi- nvan nam bvat ngvut le.

Yinnan ming mingwa singrung ma zhvinvan: 0871-63053110

Sakung mau mingwa singrung ma zhvinvan: 2215110

Mangshi mingwa singrung ma zhvinvan: 2997110  2999966

Mangshi Chinnan paichuqso zhvinvan: 2108110

Mangshi Jinhua paichuqso zhvinvan: 2290110

Mangshi Fungpyin paichuqso zhvinvan: 283110

Mangshi Hula paichuqso zhvinvan: 2979110

Mangshi Mingga paichuqso zhvinvan: 2955110

Mangshi Xengang paichuqso zhvinvan: 2920110

Mangshi  Wuchalu paichuqso zhvinvan: 2943110

Mangshi Xishan paichuqso zhvinvan: 2972110

Mangshi Chinbeq paichuqso zhvinvan:2120110

MangshiChinjau paichuqso zhvinvan:2270110

Mangshi Zhipang paichuqso zhvinvan:2978110

Mangshi Mvanhai paichuqso zhvinvan:2988110

Mangshi Jangdung paichuqso zhvinvan: 2944110

MAngshi Santaishan paichuqso zhvinvan: 2973110

Mangshi Zhungshan paichuqso zhvinvan:2950110

  (Puqsu Lyu Yungjang)

编辑:赵芹芳

Logidat paqzhvi 科普

more

Laili laigva 文艺

more
Copyright by DHTJB.COM. All Rights Reserved.