Search
WAP/PAD

Sanghi qap 首页 >> >文艺

Ipe shuq tang sipoq shuq zhang zhinlvum dat ra le

酒后饮茶会伤肾

作者:赵芹芳
来源:德宏团结报 发布时间:2019-03-07 09:26:26

Nganvung byu lawam zang ban zo tang sipoq shuq man e bo le,  sipoq myo shuq zhang ipe wo lvoq san byvam nvo ngam. Xidong ipe shuq tang sipoq shuq gvut ri zhinlvum ma zhaq zang lvoq ra le.

Li Shizhven zhaq noq mai 《Buncau gvang muq》ga e chi paqzhvi buk ma ipe shuq tang sipoq shuq ri age qo gva lvung dvo be:“Ipe shuq tang sipoq shuq ri zhinlvum ma lvoq ra le, pyidum langzhui no, ishi um ngam no, izhvam shuq wam nopyo dat toq, imvan mvan no ”bve ge toq le . Mvanhaq chi mai dai zhang, ipe pyik, sing、zvut ma wang zhang, ipe shuq tang yangqi (阳气)myvang byuq, zvut soq lvai myvang le; Sipoq ko, yin(阴)dvan dut mu, soq dat nyvum jo byuq le. Ipe shuq tang sipoq shuq ri ipe eq zhinlvum ma roq yvang dat zang lvoq ra le. Zhinlvum gi izhvam myo e zhang dut mu ngam lui, gungdu kau ma wang lo zhang ishi myo、ishi um langzhui no、qising sing bve angon dat dut le.

Akui byvat chi paqzhvi mai dai zhang, juzvin luinvuq dong mai zhvup hang yu tang, sui mai sing ma de wang lo zhang, sing ma yiqon(乙醛)、izhvam eq Eyanghuatan lo dut byuq lui, zhinlvum ze mai gungdu atoq shut wo lai toq byvam le. Sipoq ma myiwa jen ga e su gi ishi zhvup toq byvam ze dut mu,  ipe shuq tang sipoq wing myo shuq zhang, ishi wo zhvup toq byvam nung ma, zhinlvum ma juzvin noq mai wang lo byuq lui lo zang lvoq ra dut le.

Dum samlik toq dvo gvo ri, juzvin ungkau suicho ma zhaq lo zang lvoq dvan le, sipoq dopdop e shuq gvat zhang sing ma lo zang lvoq dvui lui, yvangnvik lo bvong lvum zhang, sing ma zhe yvang zang lvoq dvan le, sing ade jai bang zhe yvang age shuq ga.

Haumu, nganvung ori ipe shuq tang sipoq hanhan ashuq gvut shang, diqa gi dopdop e sipoq wing age shuq. Makzhvok shi、shipung、pyingo、koshau mu e zhumzhum sansan za e shi cham zo gvat lui ipe ge lvoq byvan yu le. Mvanhaq chi mai dai zhang myiwa“Ge”ga zhung banbo ri sipoq dong zhvoq wing shuq, angvut zhang “Ge” bvun ri  shijang nyui gvat lui wing shuq gvilvang zhaq ge le ga.

Ipe shuq wut tang yvup ma leq dvo、soq she nyvam、suicho me so e nyvom、gungdu shogvuq dveq bam ngam dut su ri gi, chirung hanhan yvang de ra dut le, hau angvut zhang gvang lvang  jo byvam byu dat bo le ga. (Puq gva su Mualt)

编辑:赵芹芳

Logidat paqzhvi 科普

more

Laili laigva 文艺

more
Copyright by DHTJB.COM. All Rights Reserved.