Search
WAP/PAD

Sanghi qap 首页 >> >科普

Nyan paqzhvi

小常识

作者:闵建岚
来源:德宏团结报 发布时间:2019-01-29 10:44:09

     Myin ri, zhvoiyung zomyi zo layuq amu ban zui lui yvum shut lo qo ma yuqge po layuq chang kat so nyi be.

Myiwe zo ashau son juq gu so nyi be, yvang gi lupdung wing lawing ma so zhe zhang, yuqge po gi yvang ri rau le tem be.

     Myiwe zo gi paqzhvi lakat wo myitoq gat lui, lup lalup ma so zhe e lui:“Awa, kum pong aq, ngo zhe lo be.”ngvu e dai gvat eq, yuqge po gi nat ri hui be ngvut ri ngvu lui nyvaunyvau pang na shi be ga.

Myiwe zo gi yuqge po ri wo jvuqpang lui gibu wuizui chik mvau nyi be, asu yvang wuite advom shi ma, lup lalup mai juq shi ladvung ga e te:“Ngazo e, nang gi zoqshi dum dvomyvi be dvi?”ga daitoq lo be ga.Haumai myiwe zo gi danna shi lui ji ngau le gvut juq pang be ga.

     Akun zhang, lupkau mai lupbvau byukau layuq sotoq lo lui:“Nang su ri gi jvuq sat byvam ra, hai ri ase ngamu le lvoqjvo ra.”ngvu ga.Haumai yvang gi lup dum bvau nyi zhang, he awe gu lup lalvum ma mangzo po layuq, loq ma shamdvoq dun chung mu lupkum ma le tau nyi e myang lui, maumau za ga mu so e lui:“Mangzo e, nang hai gvut le?”ga e myi be, akun zhang mangzo po hau gi ashau nvikyo su gvut mu dai e gi:“Dejvi dezo bve, iwa e lup ma mying lvang gva shut dvo agvo, ngo yvumsing yvang toq le lo mu za ale sai gva ri gi.”ngvu dai mu, lup bvau su byukau hauyuq gi uzhvum rongrong jo ga e mai, yvang chung nyi e shamdvoq dun lvang awo gvui chung e dum pang go na shi be ga.

     Lupbvau su byukau po pang na shi e chang myang zhang, mangzo po gi:“Nga piga wa le wam lu e gi, za ashi nau ri gi!”ngvu be ga.Yvang gi byukau po lvoq qo dvo e sham- dvoq dun e gvui yu ra ga loq e lvam gvat zhang, seyo kau mai loq laloq toq lo e dum myang be, byupo hauyuq wa yvoyvo mai dum dai e gi:“Aga, kayuq wa nga kum ma mying le lai byi le lvq.”ngvu ga, mangzo po dang hau wo jo e mai, juq na shi lui do pang na shi be ga.

Mvanmo yo mai age agau gvui ung su layuq byupo sotoq lo mu, myigung ma leq bum e shamdvoq dun gvui chung e mai dai e gi:“E, akui byvat gi age agau za gvui ung ri lvang nyan paqzhvi ximyvo yvang yutoq ra la dut dvo be.”ngvu ga.    (Kongno)

编辑:赵芹芳

Logidat paqzhvi 科普

more

Laili laigva 文艺

more
Copyright by DHTJB.COM. All Rights Reserved.