Search
WAP/PAD

Sanghi qap 首页 >> >文艺

Nginoq eq no、waq、woq e mvomyi

老鼠与黄牛、猪、鸡的故事

作者:闵建岚
来源:德宏团结报 发布时间:2019-01-16 10:35:04

Muzui zhang lalvum ma, yvumsing po yvang e guqdving ma nginoq zhvupze lalvum e sai dvo be.

Akun zhang nginoq e myvang e mai, woqmyvi ri lo daijvo be, woqmyvi gi nginoq ri wu gvat lui dai e gi:“Hau gi ngo eq hai aseng lvum, nang e mu nang yvumsing lago songe zhang ngvut be.”ga ban dai eq lo byuq be.

Nginoq gi waqdung zhvang dum din e lui waqdung ri dum e daijvo zhang, waqdung gi hai sam asin e:“Hau gi nang mu langvut le, nang yvumsing lago son aq.”ga ban dai lui yvonzo yvonmo so lo byuq be.

Nginoq gi nozhung mang zhvang dum e lui e dum daijvo zhang, nozhung mang gi yvang ri wu lvang awu e:“Nang nginoq  zhvupze eq ngo i nomo ri wu zhvupsat e ki- nvam myang wu e lvu? Namg ri re ki zang  zhvupyu nvang o.”ngvu dai lui, ashau shigvong za so lo byuq be ga.

Tangma, nginoq zhvupze hau eq gi lvamgmui mo ladu ri zang zhvup dvo be ga. Haumyin ri, yvumsing myvi guqdving ma guq e yu le ga zhang lvangmui eq lvom zang te mu, chirung e lung be.

Yvumsing po gi yvumsing myvi ri gungdu zhe wo ge lanwan ra ri nau lui, yvum ma woqmyvi haudu ri sat lui chirung ma yvumsing myvi ri e zhvoq byi be ga.

Amyang ma, yvumsing myvi no ge lui chirung mai toq lo be, hauzhang auzo numnang wui gi azhum zhum gvut yvang ri le chom wu bigvo ga, haumu lui yvumsing po gi yvum ma zvo dvo e waqdung haudu ri dum sat lui auzo numnang wui ri lvom shui zo be ga.

Yvumsing myvi chirung lung e mizho, yvum ma wo e ngunze ri banban zang chung yvam lui, yvumsing po gi yvang zvo dvo e no zhung haudu dum ung byvam mu, nosat bang ri e sat ung byvam nvang be ga.

  Mvomyi xikat mai daijvo nau e gi, pongshingra ma ngvut ri ge, rungwap ka ma ngvut ri ge, haizhung mu ri yvumsing eq aseng lvum ngvu age myit, haimu ngvut gvilvang subve ri bi myit byi, myithui manghui zhang sheq, subve ri ge, nang ri ge lawo dut le. Subve ri tuqbang girum e ngvutzhang, yvumsing ri re zang tuqbang girum be, subve ri ge gvut zhang, yvumsing qo ri ge lawo dut le.            (Puq lazhang su Kongno)

编辑:赵芹芳

Logidat paqzhvi 科普

more

Laili laigva 文艺

more
Copyright by DHTJB.COM. All Rights Reserved.