Search
WAP/PAD

Sanghi qap 首页 >> >文艺

Agve e isam

祖母的模样(外两首)

作者:尹培芳
来源: 发布时间:2018-12-27 09:43:37

Myuqkau ma e modo rungwap ma e  kum  dong ma

Mang lo byuq be e wuizui banbo

Gviyveng te eq wom lo be e sikhaq jiro ma

Laqing myang laqing amyang bozhvoi dvo be


Ngagve gi

Ngo ri yvang e isam amyvit byi dvo

Yvang gi so byuq e aqing ma zung dvo ra

2006zan lvomo 7qap 15nyi 20qing 23fen ma

Yvang e qo ban so tum lui

Wo ngvam e zhvitmyit gi

Sikgam wang ma nyvup byvam be


Chin chi wing e homshing

Numnum dvapdvap za

Agve e ucam jiro mai

Yvoyvo za yvang hom jo lo ra


Cungtoq yoq le e ban

Zhvigve e wu myoq gi

We awo myang

Myoq myungmyung wu ri re

Bum hibum ma e zhvoisam amyang


Lup kum ma bvai dvo ri

Meme za ban(da lan wan ban)bo dvo ri

Ban bvai mu dvo yap gvat

Ngilang ma yvumzo lalvum sai lui

Zhvigve midvu ngvu mu

Ming ma cangzo bve ri wu nyi le


Cungtoq yoq le wuilang lalang

Ashau we mai yuijo lo ra

Wuiyoq atoq shut doq e mu ri

Awa e yopuq li gong mo nam ma

Wuiyoq hau wuigoi lo goi dvo be


Agvom dut byuq e wa

Mau agvom dut byuq be

Yvumtoq ma e myikau ri

Banban tuq byvam e su azhoq lo


Maumyi ri agvom dut byuq be

Labyvat muzui nyi e bauwoq

Banban dong mai toq lo lui

Byo-i hozo ban e byuq bigvo


Wa ri agvom dut byuq be

Agvom dut byuq e wa

Chuichui za byo-i o asai loq

Ngvambun e gokun ri re

O abun byuq lo


Agvom dut byuq e wa o

Nyinyi so nyi e bui ma zhoq dvo be

Dongkon su yuq dvo ri

Ban zheq myva lo e dongkon

Gvauliq bum o ma e lai o ma

Zhe nyvup e siknyuq ma hik nyi ra

(Yin Puifang)

编辑:赵芹芳

Logidat paqzhvi 科普

more

Laili laigva 文艺

more
Copyright by DHTJB.COM. All Rights Reserved.